Organisasjon

Årdal Energi Holding AS er heileigd av Årdal kommune. Konsernet skal vera ein pådrivar for å sikra og utvikla fornybar energi og infrastruktur til innbyggjarar og næringsliv i Årdal, og dessutan vera kommunen sitt fagmiljø på dette. Saman med dotterselskapa skal Årdal Energi Holding vere ein attraktiv kompetanse-arbeidsplass i kommunen.

Våre dotterselskap:

Årdal Kraftlag kjøper og sel kraft for Årdal kommune. Selskapet tilbyr konkurransedyktig og rein kraft til innbyggjarane.

Straumnett har områdekonsesjon for å drifta og bygga straumforsyningsnett til alle forbrukarar i Årdal kommune.

Årdalsnett er leverandør av fiber og TV til kundar i Årdal, Lærdal, Aurland og Vang. Årdal Energi. Selskapet har også eigarskap i Porten AS, Sogn kompetanse og Sitep.

Enduser er eit programvareselskap som vart stifta i 2023. Systemarkitektane i selskapet har mellom anna utvikla eit arbeidsverktøy retta mot internettleverandørar.

Sogn Miljøkraft er eit selskap i oppstartsfasen som jobbar for å utnytta spillvarmen frå industrien til ny energi.

Satsingar innan fornybar energi:

Seimsdal Kraft vart starta opp i 2011 og har ein gjennomsnittleg produksjon på 18 GWh/år. ÅEH eig 34 prosent av aksjane i selskapet.

Offerdal Kraftverk har fått konsesjon og har planar om utbygging av to kraftverk i Indre Offerdal. ÅEH eig 10 prosent av aksjane.

Bluetec Vest sel og monterer solcellepanel. Selskapet har hatt ei stor utvikling i det siste, og det er venta ein stor auke i framtida. ÅEH er inne på eigarsida med 21,4 prosent av aksjane.